ໄວຣັດສ (Virus) ຄອມພິວເຕີຮູ້ໄວ້ປ້ອງກັນໄດ້, ຮູ້ພາຍຫຼັງອາດສ່ຽງຕໍ່ຂໍ້ມູນສູນຫາຍ

 ໄວຣັດສ (Virus) ຄອມພິວເຕີຮູ້ໄວ້ປ້ອງກັນໄດ້, ຮູ້ພາຍຫຼັງອາດສ່ຽງຕໍ່ຂໍ້ມູນສູນຫາຍ

  

 ໄວຣັດສຄອມພິວເຕີ (Computer Virus) ຄຶຊຸດຄໍາສັ່ງຫຼືໂປຣແກຣມທີ່ຖຶກສ້າງຂື້ນມາເພື່ອຈຸດປະສົງໃນການທໍາລາຍລະບົບຮັກສາຄວາມປອດໄພຂອງຄອມພິວເຕີ ເພື່ອກໍ່ກວນ, ໂຈະລະກໍາ ແລະ ທໍາລາຍຂໍ້ມູນພາຍໃນຄອມພິວເຕີ.

   ນອກຈາກນີ້ໄວຣັດສຄອມພິວເຕີຍັງມີອິກໜື່ງຄຸນສົມບັດທີ່ສໍາຄັນຄຶ ການແຜ່ໄປຍັງຄອມພິວເຕີ ຫຼື ອຸປະກອນເອເລັກໂທນິກເຄື່ອງອື່ນໆ ຜ່ານ Platform ອອນໄລເຊັ່ນ: ເວັບໄຊ ຫຼື ໂຊຊ່ຽວມີເດຍ ຕະຫຼອດຈົນອຸປະກອນຈັດເກັບຂໍ້ມູນ Flash Drive ຫຼື  External Hard Drive ດ້ວຍເຫດນີ້ຄອມພິວເຕີໄວຣັດສຈື່ງສາມາດສ້າງຄວາມເສຍຫາຍຢ່າງຫຼວງຫຼາຍຫາກຄອມພິວເຕີບໍ່ໄດ້ຕິດຕັ້ງໂປຣແກຣມປ້ອງກັນໄວຣັດສທີ່ມີຄວາມສາມາດໃຊ້ການປ້ອງກັນຄວບຄຸມການໂຈມຕີ.

 ປະເພດຂອງໄວຣັດສຄອມພິວເຕີ

     ການທໍາງານຂອງໄວຣັດສຄອມພິວເຕີຄືການເຂົ້າໄປຝັງຕົວຢູ່ໃນບໍລິເວນໜ່ວຍຄວາມຈໍາແຣມ (Ram) ຂອງຄອມພິວເຕີ ຫຼັງຈາກນັ້ນໄວຣັດສກໍ່ຄ່ອຍໆ ສ້າງຄວາມເສຍຫາຍຕໍ່ລະບົບການທໍາງານຂອງຄອມພິວເຕີ ໂດຍມີການທໍາງານຂື້ນຢູ່ກັບຈຸດປະສົງຂອງໄວຣັດສດັ່ງກ່າວ ບໍ່ວ່າຈະເປັນການທໍາລາຍຂໍ້ມູນພາຍໃນຄອມພິວເຕີການໂຈະລະກໍາຂໍ້ມູນກ່ຽວກັບປະຫວັດສ່ວນຕົວ ແລະ ຂໍ້ມູນທາງການເງີນຂອງເຈົ້າຂອງຄອມພິວເຕີ ຫຼື ກໍ່ກວນເຮັດໃຫ້ບໍ່ສາມາດໃຊ້ງານຄອມພິວເຕີໄດ້ ເຊັ່ນ: ຄອມພິວເຕີບໍ່ສາມາດເປິດໄດ້, ມີຂໍ້ຄວາມແລ່ນໄປມາ ເປັນຕົ້ນ ໄວຣັດສຄອມພິວເຕີມີຫຼາຍ

ປະເພດດ້ວຍກັນ ໂດຍສາມາດສະຫຼຸບໄດ້ 7 ປະເພດດັ່ງນີ້:

 

1. ໜອນ (worm)  ເປັນໜື່ງໃນໄວຣັດສຄອມພິວເຕີປະເພດອັນຕະລາຍ ທີ່ສາມາດສ້າງຄວາມເສຍຫາຍແກ່ຄອມພິວເຕີໄດ້ຢ່າງຮ້າຍແຮງ ເນື່ອງຈາກມີຄຸນສົມບັດສາມາດແຜ່ກະຈາຍໄປຍັງຄອມພິວເຕີ ແລະ ອຸປະກອນເອເລັກໂຕນີກອື່ນໆ ໄດ້ຢ່າງວ່ອງໄວ ຈົນສາມາດຫຼຸດປະສິດທິພາບການທໍາງານຂອງຄອມພິວເຕີໄດ້ຢ່າງຫຼວງຫຼາຍ ເນື່ອງຈາກໄວຣັດສໜອນສາມາດກະຈາຍຕົວເຂົ້າໂຈມຕີລະບົບຢ່າງວ່ອງໄວ ເຮັດໃຫ້ການຈໍາກັດໄວຣັດສປະເພດນີ້ໄດ້ຍາກຫຼາຍ ຈໍາເປັນຕ້ອງໃຊ້ໂປຣແກຣມປ້ອງກັນໄວຣັດສທີ່ມີປະສິດທິພາບສູງໃນການປ້ອງກັນໄວຣັດສໜອນທີ່ເຂົ້າມາໃນລະບົບທໍາງານຂອງຄອມພິວເຕີ.

 

2. ບຸດໄວຣັດສ (Boot  Virus) ໄວຣັດສຄອມພິວເຕີຊະນິດນີ້ແຝງຢູ່ໃນແຜ່ນຊີດີຣອມ CD Rom , Flash drive ທີ່ຈະເຂົ້າໂຈມຕີຄອມພິວເຕີທັນທີ ເມື່ອຮາດດິດສເລີ່ມອ່ານແຜ່ນຊີດີຫຼື Flash drive ດັ່ງກ່າວ ໂດຍເປົ້າໝາຍໄປທີ່ມັດສເຕີບຸດຣີຄອດກ່ອນຈະເຄື່ອນໄປທີ່ໜ່ວຍຄວາມຈໍາ ແລະ ເລີ່ມທໍາງານທັນທີເມື່ອຄອມພິວເຕີເລີ່ມບຸດເຄື່ອງຫຼັງຈາກເປິດເຄື່ອງຄອມພິວເຕີທີ່ຕິດໄວຣັດສປະເພດນີ້ຈະບໍ່ສະແດງອາການຊັດເຈນ ແຕ່ມັກຈະມີການແຜ່ກະຈາຍໄປຍັງຊີດີຣອມລະຫວ່າງທີ່ເຄື່ອງຄອມພິວເຕີກໍາລັງບຸດເພື່ອປິດເຄື່ອງ ເຮັດໃຫ້ສາມາດແຜ່ໄປຍັງຄອມພິວເຕີເຄື່ອງອື່ນໆໄດ້ໂດຍບໍ່ຮູ້ຕົວ.

 

3.ມາໂຄຣໄວຣັດສ (Macro Virus) ເປັນໜື່ງໃນໄວຣັດສຄອມພິວເຕີປະເພດໜື່ງທີ່ສາມາດພົບໄດ້ໃນການທໍາງານ ໂດຍສະເພາະໃນຫ້ອງການທີ່ເຮັດວຽກກ່ຽວກັບໂປຣແກຣມເອກະສານຕ່າງໆ ໂດຍມາໂຄຣໄວຣັດສຈະແຝງຕົວມາໃນໄຟສເອກະສານ Microsoft word, Excel.

 

4. ມ້າໂທຣຈັນ (Trojan Horse)  ເຖີງແມ່ນວ່າໂທຣຈັນຈະບໍ່ສາມາດເອີ້ນໄດ້ຢ່າງເຕັມວ່າໄວຣັດສຄອມພິວເຕີ ແຕ່ກໍ່ມີຈຸດປະສົງເພື່ອກໍ່ກວນ ແລະ ທໍາລາຍການທໍາງານຂອງຄອມພິວເຕີທີ່ແຕກຕ່າງຈາກໄວຣັດສປະເພດອື່ນໆ. ໂທຣຈັນຄືຊຸດໂປຣແກຣມທີ່ຖຶກຂຽນຂື້ນມາເພື່ອຫຼອກຫຼວງໃຫ້ຜູ້ໃຊ້ງານດາວໂຫຼດ ແລະ ຕິດຕັ້ງ. ຫຼັງຈາກຕິດຕັ້ງແລ້ວໂທຣຈັນເຂົ້າໄປທໍາລາຍຫຼຶໂຈະລະກໍາຂໍ້ມູນໃນເຄື່ອງຄອມພິວເຕີ ກໍ່ໃຫ້ຄວາມເສຍຫາຍ ແລະ ຄວາມເຈັບໃຈທີ່ຜູ້ໃຊ້ງານທີ່ຫຼອກໃຫ້ຕິດຕັ້ງ.

 

5. ສເຕກທໄວຣັດສ ( Stealth Virus) ໄວຣັດສປະເພດນີ້ເປັນໄວຣັດສທີ່ມີໄຟລເອກະສານມີໄວຣັດສແຝງຢູ່ເຮັດໃຫ້ໄຟລນັ້ນຈະບໍ່ສາມາດກວດສອບຂະໜາດໄຟລທີ່ແທ້ຈີງໄດ້ ເພາະໄວຣັດສໄດ້ເຂົ້າໄປຄວບຄຸມ DOS ສໍາເລັດຮຽບຮ້ອຍແລ້ວເຮັດໃຫ້ໄຟລເບີ່ງເປັນປົກກະຕິເໝືອນຄືເກົ່າ ແຕ່ບໍ່ສາມາດເບີ່ງຂະໜາດໄຟລໄດ້ ທີ່ແທ້ຈິງໄຟລນັ້ນຖຶກໄວຣັດສເຂົ້າໄປຄວບຄຸມ.

 

6. ໂພລີມໍຟີກໄວຣັດສ (Polymorphic Virus) ເປັນໄວຣັດສທີ່ສາມາດຄວບຄຸມຈໍາກັດໄດ້ຍາກທີ່ສຸດ ເນື່ອງຈາກມີຄຸນສົມບັດໃນການກອບປີ Copy ຕົວເອງຈົນແຜ່ກະຈາຍໄດ້ຫຼາຍຂື້ນເປັນເທົ່າຕົວ ຫຼາຍຮູບແບບ ໂດຍປະຈຸບັນມີໄວຣັດສຄອມພິວເຕີທີ່ມີຄຸນສົມບັດແບບນີ້ຈໍານວນຫຼາຍ.

 

7. ໄຟລໄວຣັດສ (File Virus) ເປັນໜື່ງໃນໄວຣັດສທີ່ໄດ້ພົບໃນການນໍາໃຊ້ຄອມພິວເຕີປະຈໍາວັນຫຼາຍທີ່ສຸດ ໂດຍສະເພາພຜູ້ທີ່ນິຍົມດາວໂຫຼດໂປຮແກຣມຟຣີຈາກອິນເຕີເນັດ ໂດຍໄວຣັດສຈະແຝງຕົວມາຮູບຂອງໄຟລຕີດຕັ້ງໂປຣແກຣມເຫຼົ່ານັ້ນ ເພາະອາດຈະເປັນການນໍາໄວຣັດສມາປ່ວຍລົງໃນຄອມພິວເຕີຂອງຕົນເອງໄດ້ຫາກບໍ່ມີການລະມັດລະວັງ.

ວິທີການປ້ອງກັນໄວຣັດສບໍ່ໃຫ້ຕິດເຄື່ອງຄອມພິວເຕີ

1. ຕິດຕັ້ງໂປຣແກຣມປ້ອງກັນໄວຣັດສທີ່ມີປະສິດທິພາບ ເພື່ອສະແກນໄວຣັດສ

 

2.ຫ້າມດາວໂຫຼດຂໍ້ມູນທົ່ວໄປຈາກເວັບທີ່ບໍ່ໜ້າເຊື່ອຖຶ

 

3.ໃຊ້ອຸປະກອນທີ່ສາມາດປ້ອງກັນໄວຣັດສຈາກລະບົບເຄື່ອຄ່າຍ

 

4.ອັບເດດໂປຣແກຣມປ້ອງກັນໄວຣັດສຕະຫຼອດ

 

5.ຫ້າມຄຣິກໃສ່ Link ຂໍ້ຄວາມທີ່ສົ່ງມາທາງອິມີວທີ່ບໍ່ຮູ້ຈັກ